Астана қаласының әкімі Жеңіс Қасымбек елорда тұрғындары мен қонақтарын Конституция күнімен құттықтады, деп хабарлады Elordainfo.kz.

«Құрметті елорда тұрғындары мен қонақтары! Сіздерді Қазақстан Республикасының Конституциясы күні мерекесімен шын жүректен құттықтаймын! Еліміздің Ата заңы – егемендігіміздің берік тұғыры, халқымыздың бірлігінің нышаны әрі әрбір азаматтың құқықтары мен бостандықтарының кепілі. Конституция мемлекетіміздің даму бағытын айқындап, демократиялық қағидаттарды нығайтып, қуатты да әділетті ел құруға сенімді негіз болып келеді. Осы айтулы мерекеде баршаңызға зор денсаулық, мол бақыт, отбасыларыңызға амандық тілеймін! Конституция күні құтты болсын!», - деді әкім өзінің әлеуметтік желідегі парақшасында.