Іздеу «Таза Қазақстан» экологиялық акциясына 87 мың адам қатысты
Ернұр Қайнар
Бүгін, Тазару күнінде Мемлекет басшысының «Таза Қазақстан» экологиялық бастамасы аясында бүкіл ел бойынша ауқымды экологиялық акциялар басталды, деп хабарлайды Elordainfo.kz Экология және табиғи ресурстар министрлігіне сілтеме жасап.
Қазақстандағы экологиялық күн тәртібі мемлекеттік саясаттың да, қоғамдық күнделікті өмірдің де бір бөлігіне айнала отырып, өзектілігін арттыруда. «Таза Қазақстан» бүкіл ел бойынша мыңдаған азаматтарды біріктіреді.
«Бүгін «Жаңару күні», «Таза ел біздің қолымызда», «Таза Қазақстан – жаңарған болашақ», «Табиғатқа тағзым» сияқты экоакциялары өтті. «Мөлдір бұлақ», «Таза Жайық» акциялары ұйымдастырылып, «Өзіңнен баста», «Ақ ниет толқыны», «Тазару күні» секілді түрлі іс-шаралар өткізілді. Аумақты тазарту бойынша өткізілген акция қорытындысы бойынша 2,7 тонна қоқыс жиналды, 87 мың адам қатысты.
Қазақстандықтардың ауқымды экологиялық акцияларға қатысуы табиғатқа қамқорлық жасау мемлекеттің, бизнестің және барлық азаматтардың ортақ міндеті екенін көрсетеді. Бұл жеке тазалау немесе экологиялық іс-шаралар туралы ғана емес, сонымен қатар тазалық, ресурстарға ұқыпты қарау және қоршаған ортаға жауапкершілік өмір сүру нормасына айналады», - делінген хабарламада.
Бұл қағидаттар Конституция деңгейінде көрініс тапты және бекітілді, яғни олар ел үшін ерекше маңызға ие. Енді таза, қауіпсіз және абаттандырылған орта – бұл жай ғана тілек емес, барлығы үшін маңызды нұсқаулық.
Өскелең ұрпақтың бойында экологиялық сананы қалыптастыруда «Таза Қазақстан» – Мемлекет басшысының бастамасымен бір реттік іс-шаралар шеңберінен шығып, экологиялық мәдениетті және азаматтардың қоршаған ортаның жай-күйі үшін жеке жауапкершілігін қалыптастыруға бағытталған ауқымды қозғалысқа айналған экологиялық акция үлкен рөл атқарды.
Наурыз – рухани тазару мен жаңару уақыты. Наурызнаманы мерекелеу аясында бүгін Тазару күні – жаңару символы және қоршаған әлемге саналы көзқарас атап өтілетіні қуантады.
Еске сала кетейік, Президент халықты тазалық эстафетасына белсене қатысуға шақырды.
