Іздеу Отбасы банктегі жинақ ақшаны алаяқтардан қалай қорғау керек
Сабина Кәкімжан
«Отбасы банк АҚ баспасөз қызметі әлеуметтік желідегі парақшасында жинақ ақшаны алаяқтардан қорғау жолдарын жазды, деп хабарлады Elordainfo.kz.
«Алаяқтар өздерін банктің немесе мемлекеттік органдардың қызметкерлері ретінде таныстырып, жаңылыстырғысы келетін жағдайлар жиілеп кетті», - деп жазылған хабарламада.
Отбасы банктің өнімдері мен сервистерін пайдалану кезіндегі қауіпсіздіктің маңызды ережелерін еске саламыз.
«Отбасы банк қызметкерлері ешқашан парольдерді, бір реттік SMS-кодтарды және қолданбаға кіру деректерін хабарлауды сұрамайды. Банк депозитті дереу жабуды, жинақ ақшаны алуды немесе «тексеру үшін» не «тыйым салуды болдырмау үшін» қаражат аударуды талап етпейді. Депозиттер, қарыздар және шоттар бойынша барлық операциялар банктің ресми арналары арқылы клиенттің бастамасы бойынша ғана орындалады», - деп жазылған ақпаратта.
Кең таралған алдау схемаларына банктердің немесе мемлекеттік органдардың қызметкерлері атынан жасалатын, «тексеру», «қаражатты қорғау» немесе «тыйым салуды болдырмау» үшін деген сылтаумен жинақ ақшаны дереу алуды немесе аударуды талап ететін қоңыраулар немесе хабарламалар жатады.
«Сілтемеге өтуді және «қолжетімділікті қалпына келтіру» үшін деректер енгізуді сұрап, мобильді қолданбаны бұғаттау туралы хабарламаларды қалай қауіпсіз әрекет ету керек? Ақпаратты Отбасы банктің ресми арналары арқылы ғана тексеріңіз. Бастысы асығыс шешім қабылдамаңыз. Егер күмән туындаса, сөйлесуді аяқтап, банкке өзіңіз хабарласыңыз. Егер Сіз күмән тудыратын әрекеттерге тап болсаңыз немесе күмәнді хабарлама алған болсаңыз – бұл туралы міндетті түрде Отбасы банктің ресми сайтындағы («Отбасы банк» АҚ | Ресми сайт) «Ең маңызды» - «Антифрод» бөлімінде көрсетілген ресми арналар арқылы хабарлаңыз. Жинақ ақшаңызды сақтап қалыңыз және мұқият болыңыз. Сіздің қауіпсіздігіңіз - біздің артықшылығымыз», - деп жазылған баспасөз хабарламасында.
Бұған дейін елімізде зейнетақы жинағымен ипотеканы өтеу шарттары өзгеретінін жаздық.
