Астанада тоқтап тұрған автобусқа соғылған көлік жүргізушісі мерт болды

Астана қаласы Полиция департаменті

Елордада тоқтап тұрған автобусқа соғылған көлік жүргізушісі мерт болды, деп хабарлады Elordainfo.kz.

Астана қаласы Полиция департаменті жол-көлік оқиғасы бойынша қылмыстық іс қозғалғанын мәлімдеді.

«Алдын ала деректерге сәйкес шағын автобустың жүргізушісі рөлге ие бола алмай, аялдамада тоқтап тұрған жолаушылар автобусына соғылған. Жол-көлік оқиғасы салдарынан шағын автобустың жүргізушісі оқиға орнында көз жұмды. Зардап шеккен екі адам ауруханаға жеткізілді, оларға медициналық көмек көрсетілуде.Қазіргі уақытта болған оқиғаның барлық мән-жайы анықталып, тергеу амалдары жүргізіліп жатыр», - деп жазылған хабарламада.

Бұған дейін елордада Chery маркалы көлік жүргізушісі рөлге ие бола алмай, көше жарығының бағанына соғылғанын жаздық.