Бектенов әуе рейстерінің кешігу жағдайларына қатысты тапсырма берді

Фото: primeminister.kz

Үкімет отырысында авиация саласын дамыту және цифрландыру мәселесі қаралды, деп хабарлады Elordainfo.kz.

Премьер-министр әуе рейстерінің кешігу жағдайларына ерекше назар аударды.

«Ішкі ұшу сапарларының жиілігін арттыру, сондай-ақ халықаралық ұшу сапарларының географиясын кеңейту бойынша жұмыстар жүргізіліп жатыр.
Бірақ әуе рейстерінің кешігу жағдайлары да орын алуда. Көбінесе бұл әуе компаниялары мен әуежайлардың арасындағы ретсіз жұмыстардың кесірінен туындап жатады. Сондықтан министрлікке өзара іс-қимылдың тиісті тетіктерін пысықтауды тапсырамын», - деп атап өтті Үкімет басшысы.

Айта кетейік, бұған дейін Қазақстанда әуе рейстерінің кешігуі кезінде жаңа қызмет көрсетілетіні айтылған болатын.