Астанадағы көпқабатты тұрғын үйде өрт шығып, құтқарушылар 40 адамды эвакуациялады, деп хабарлады Elordainfo.kz ҚР ТЖМ баспасөз қызметіне сілтеме жасап.
«Бүгін Астана қаласы Абылай хан көшесіндегі бес қабатты тұрғын үйдің бірінші қабатындағы қосалқы бөлмеде өрт шықты. Кіреберісте кірген кезде бірінші қабаттан бесінші қабатқа дейін қою түтін тұрғындарға қауіп төндірді.
Оқиға орнына ТЖД бөлімшелері дереу жетіп, шұғыл түрде адамдарды іздестіру және эвакуациялау жұмыстарына кірісті. ТЖМ күштерімен 40 адам эвакуацияланды, олардың 7-і – бала. Құтқарылған тұрғындар жедел жәрдем қызметкерлеріне тапсырылды», - делінген хабарламада.
3 желтоқсан күні елордада екі қабатты ғимараттан өрт шыққан болатын.
