Алмасадам Сәтқалиев бейбіт атом энергетикасын дамытудың келешегі туралы айтты

Энергетика министрі Алмасадам Сәтқалиев Ш.Уәлиханов атындағы Көкшетау университетінде жастармен кездесу өткізді, деп хабарлады Elordainfo.kz.

Кездесуге А. Мырзахметов атындағы университеттердің, М. Ғабдуллин атындағы азаматтық қорғау академиясының және Гуманитарлық-техникалық академияның студенттері қатысты. Бұл туралы министрліктің баспасөз қызметі мәлімдеді.

Талқылау тақырыбы «Бейбіт атом» болды.

Кездесу барысында министр атом энергетикасының Қазақстан үшін маңыздылығына тоқталып, оның еліміздің тұрақты дамуы мен қауіпсіздігі үшін маңыздылығын атап өтті.

Министр бүгінде елімізде электр энергиясын өндірудің негізгі үлесін жалпы өнімнің 66% қамтамасыз ететін көмір зауыттары құрайтынын, жаңартылатын энергия өндіру үлесі шамамен 6%-ға жеткенін айтты.

2035 жылға қарай электр энергиясын тұтыну 152,4 млрд. кВт/сағ құрайды. Бұл ретте қазіргі уақытта жұмыс істеп тұрған энергия көздерін өндіру бірқатар объективті себептерге байланысты төмендейді және 135 млрд. кВт/сағ-тан азды құрайды. Осыған байланысты 2035 жылға қарай жалпы қуаты 26,5 ГВт болатын жаңа генерациялаушы қуаттарды іске қосуды қамтамасыз ету қажет.

Жасыратыны жоқ, қазір бүкіл әлем көміртегі бейтараптығына бет бұрады. Сондықтан халықаралық қаржы институттары көмір электр станцияларының құрылысына инвестиция салудан бас тартып отыр. Сонымен қатар, Қазақстан еліміздегі газ ресурстарының шектеулі болуына байланысты газ генерациясын ауқымды енгізуді іске асыра алмайды.

Өз кезегінде, жаңартылатын энергия көздері олардың жұмысын болжау мүмкін емес ететін табиғи-климаттық жағдайларға тәуелділігіне байланысты электр энергиясын өндірудің сенімді базалық көзі бола алмайды.

Сондықтан да АЭС құрылысы тоқтап тұрған қуаттарды алмастырудың және Қазақстанның энергетикалық тәуелсіздігін қамтамасыз етудің бірден-бір дұрыс шешімі болып көрінеді.

Энергетика министрлігінің басшысы студенттерге ядролық реакторларды пайдаланудың әлемдік тәжірибесі, олардың қауіпсіздігін қамтамасыз етудің заманауи шаралары және т.б. туралы айтып берді.

Жастар диалогқа белсенді қатысып, атом энергетикасының болашағы, оның экологиялық қауіпсіздік пен экономикалық өсуді қамтамасыз етудегі рөлі туралы сұрақтар қойды.

Кездесу соңында жастар Қазақстандағы атом энергетикасының болашағы және оның тұрақты дамуға қосқан үлесі туралы түсінік алды. Студенттер энергетика саласының болашағына және оның елдегі экологиялық жағдайға әсері туралы қызығушылықтарын білдірді.

Сонымен қатар, энергетика министрі «Көкшетау Энерго» ЖШС жұмысымен танысып, кәсіпорынның еңбек ұжымдарымен кездесуде АЭС құрылысының маңыздылығын түсіндірді. Ел экономикасының тұрақты өсуі электр энергиясына сұраныстың артуымен қатар жүретінін атап өтті. Өнеркәсіп, металлургия, көлік, IT, фармацевтика, ауыл шаруашылығы өнімдерін қайта өңдеу және басқа да салаларда жаңа жобаларды іске асыру үшін қазірдің өзінде электр энергиясының едәуір көлемі қажет.