Павлодарда балаларға мерзімі өтіп кеткен вакцина салынған

Павлодар облысы прокуратурасының мәліметінше, 21 млн теңдеген астам қаржы жұмсалған 9,5 мыңнан астам вакцина тиімсіз пайдаланылған. 

Атап айтқанда, Денсаулық сақтау басқармасының орталықтандырылған сақтау қоймасынан дәрі-дәрмектер өтіп кеткен жарамдылық мерзімімен медициналық мекемелерге жіберілген. Павлодар емханаларының біріне «Пентаксимнің» 135 дозасы препараттың қолданылу мерзімі аяқталған күні берілді. Сонымен қатар 2 балаға мерзімі өткен вакцина салынған, - деді прокуратураның баспасөз қызметі. 

Тексеру барысында қызылшаға қарсы екпе салынды деп жалған құжат толтыру фактілері де белгілі болды.  

«Облыс прокуратурасы қабылдаған шаралар бойынша жарамсыз препараттар жойылды, кінәлі адамдар жауаптылыққа тартылды», - делінген хабарламада.