«Наурыз» бағдарламасына қатысушылардың тізімі қашан жарияланады

«Наурыз» бағдарламасы бойынша 34 968 өтінім қабылданды, деп хабарлады Elordainfo.kz.

Отбасы банктің мәліметінше, шамамен 9 сәуірде otbasybank.kz сайтында несие алуға үміткерлердің тізімі жарияланады. Несие өтінімдерін қабылдау 10 сәуірден басталып, 16 мамырға дейін жалғасады.

Несие өтінімін берудің ыңғайлы тәсілдері:

- Отбасы банкінің бөлімшелерінде;

- Кеңес беру орталықтарында;

- Отбасы банкінің интернет-банкингі арқылы онлайн.

Несие мақұлданғаннан кейін сізде 6 ай ішінде қолайлы баспана таңдау мүмкіндігі болады. Үйді Baspana Market платформасынан таңдай аласыз.

«Наурыз» бағдарламасы бойынша ең жоғары несие сомасы:

- Астана, Алматы қалалары үшін – 36 млн теңгеге дейін;

- Басқа өңірлер үшін – 30 млн теңгеге дейін.

Алматы, Астана, Шымкент және облыс орталықтарында тек бірінші нарықтағы тұрғын үйді сатып алуға болады. Тұрғын үйлер тек Baspana Market жылжымайтын мүлік порталында қолжетімді болады.

Моноқалаларда, аудан орталықтарында және ауылдарда бірінші және екінші нарықтағы тұрғын үйлерді сатып алуға болады, - делінген хабарламада.

Айта кетейік, бір несие аясында жылжымайтын мүлікті сатып алуға да, жөндеу жұмыстарына да қаражат алуға мүмкіндік бар. Таза әрлеудегі тұрғын үйді сатып алу кезінде бастапқы жарна – 10%-дан бастап.