Белгілі қаламгер шет елдер Қазақстан туралы білмейтінін айтты

Белгілі жазушы-драматург Дулат Исабеков шет елдер Қазақстан туралы білмейтінін айтты, деп хабарлады Elorda.info.

Сіздің пьесаларыңыздың әлем сахнасын шарлап жүргенін білеміз. Алайда сұхбаттарыңыздың бірінде «Шетелде бізде әдебиет, драматургия бар екеніне күдікпен қарайды» депсіз. Әлі де осы пікірдесіз бе деп сұраған тілші қаламгерден.

Оқи отырыңыз: «Бөртеден» кейін ештеңе жазғым келмей қалды – жазушы-драматург

Обязательно! Әлі күнге дейін күдікпен қарайды. Мәселен, Аустралия Қазақстанды білмейді. Саясаткерлер, кәсіпкерлер білуі мүмкін, бірақ қарапайым халық біздің елімізді білмейді. Мынау тұрған Оңтүстік Корея да білмейді. «Мұрагерлер» драмасын апарғанда көргенбіз.

Сен шетелді айтасың, Санкт-Петербургің Қазақстанды білмейді. М. Булгаков туралы жазылған «Сети дьявола» пьесам қойылған күннің ертесінде баспасөз конференциясы болды. Малышевский, академик Голлер және мен қатыстым. Сонда бір журналист сұрақ қойды: «Неужели казахская драматургия выросла до такой степени, что она было поставлена петербургский театр» дейді. Бірақ Малышевский қатты айтып тастады. «Хватит, в конце-концов! Вот такие вопросы... Сами ничего не знаете! Казахская литература никак не уступает у русской литературы! Даже некоторые моменты даже лучше». «Почему вы взялись за русскую тематику. Булгаков – руский писатель». Содан сөйлей бастап едім, Малышевский сөзімді тағы бөліп жіберді. «Боже мой! Что за не грамотный вопрос?! Надо радоваться что в далеком Казахстане написал на тему Булгакова казахсткий писатель. Напишите пожалуйста, о Абае, о Мухтара Ауезова, Сакена Сейфуллина. Казахи взяли бы вас на руках. А вы говорите вот так...» деп жауап берді. Міне, 300 жыл қатар өмір сүрген Петербургың да білмейді бізді... – дейді Дулат Исабеков.