Нұр-Сұлтанда автоорталық басшысы ұсталды

ашық дереккөз

«Елорда полициясына жүгінген қала тұрғындары «Nur-AvtoKz» автоорталығы басшысының алдап, ақшаларын иеленіп кеткені туралы шағымданды. Фирманың 28 жастағы директоры автомобиль сатамын деген желеумен азаматтармен келісімшарт жасасып, бірақ шартты орындамаған. Сонымен қатар күдікті сатып алу-сату келісімшартын жасасу арқылы азаматтардың көлігін иемденген. Алайда төлем жасамаған. Ал көлікті үшінші тұлғаға сатып жіберіп отырған», – деп атап өтті Нұр-Сұлтан қаласының Полиция департаменті.

Қазіргі уақытта алаяқтық фактісі бойынша қылмыстық іс қозғалды. Автоорталық директоры тергеу оқшаулағышына қамалды. Тергеу жүргізіліп жатыр.

#алаяқтық