Ақпараттық қауіпсіздік орталығы энергетика саласын киберқауіптерден қорғауды қамтамасыз етеді — Бектенов

Премьер-министр Олжас Бектенов Үкімет отырысында Энергетика, Жасанды интеллект және Қаржы министрліктеріне Президенттің цифрландыру жөніндегі тапсырмалары шеңберінде 2026 жылдың соңына дейін энергетика салаларының Салалық ақпараттық қауіпсіздік орталығын іске қосуды тапсырды.

«Энергетика, Жасанды интеллект және Қаржы министрліктері 2026 жылдың соңына дейін Салалық ақпараттық қауіпсіздік орталығын іске қосып, отын-энергетика кешенінде инфокоммуникациялық инфрақұрылым операторының жұмысын қамтамасыз етуі тиіс. Бұл жүйе энергетика саласының барлық субъектілерін киберқауіптерден қорғауды қамтамасыз етуге бағытталған», — деп атап өтті Олжас Бектенов.

Бақылау мен үйлестіру Роман Склярға жүктелді.