Бүгін 22 жасқа дейінгі боксшылар арасында Қазақстан чемпионаты басталады

Талдықорған қаласында 13-18 ақпан күндері аралығында алғаш рет бокстан 22 жасқа дейінгі Қазақстан чемпионаты өткізіледі, деп хабарлады Elordainfo.kz.

Турнирде 2003-2006 жылы туған спортшылар 46-48 келі, 51 келі, 54 келі, 57 келі, 60 келі, 63.5 келі, 67 келі, 71 келі, 75 келі, 80 келі, 86 келі, 92 келі, +92 келі салмақ дәрежелері бойынша сынға түседі.

13 салмақта жүлде үлестірілетін бәсекеге 237 спортшы бас қосты. Ең көп 35 боксшы 63,5 келі салмақта жиналса, ең аз 5 боксшы +92 келіде чемпиондыққа таласады.

Қандай танымал спортшылар бар?

54 келі. Кенже Мұратұлы (22 жасқа дейінгі Азия чемпионы)

60 келі. Алексей Хаванцев (2024 жылғы жастар арасындағы әлем чемпионатының күміс жүлдегері)

67 келі. Бақтияр Анарбаев (22 жасқа дейінгі Азия чемпионы)

Турнирде жүлдегер атанған боксшыларды Қазақстан U22 құрамасының үйлестірушісі, 2008 жылы Пекинде өткен Олимпиада ойындарының чемпионы, екі дүркін Азия ойындарының жүлдегері Бақыт Сәрсекбаев жаттықтыратын болады.