Астанада волейболды отырып ойнаудан Қазақстан мен Жапония арасында жолдастық матч өтті

«Хан Шатыр» сауда және ойын-сауық орталығында волейболды отырып ойнаудан Қазақстан мен Жапония құрамалары арасында жолдастық матч өтті, деп хабарлады Elordainfo.kz.  

Іс-шараның ашылу салтанатында Спорт және дене шынықтыру комитеті төрағасының орынбасары Аманбай Нұрмұханбетов сөз сөйлеп, қатысушыларға сәттілік тіледі:

«Жапония құрамасының тәжірибе алмасу мақсатында Қазақстанға келгеніне қуаныштымыз. Бұл – біздің спортшылар үшін үлкен мәртебе әрі Қазақстан құрамасының шеберлігі мен деңгейінің халықаралық аренада жоғары бағаланатынының дәлелі. Былтыр дәл осы алаңда Панамерика аймағының үздік командаларының бірі саналатын Бразилия құрамасымен де жолдастық матч өткізген едік. Осындай маңызды іс-шараны ұйымдастыруға мүмкіндік берген серіктестеріміз – «Ситибанк Қазақстан» компаниясына және «Хан Шатыр» әкімшілігіне алғысымыз шексіз. Бұл кездесу – параспорттың сұлулығы мен қуатын жұртшылыққа паш етуге тамаша мүмкіндік», – деді ұлттық құрама командасының бас бапкері Бауыржан Тахауов.

Айта кетейік, Қазақстан құрамасы – волейболды отырып ойнау бойынша Азия чемпионатының, Азия Пара ойындарының жүлдегері, сондай-ақ Париж-2024 Паралимпиада ойындарында үздік бестіктен көрінген команда.

Алдағы маусымда ұлттық құрама 9-19 маусым аралығында Қытайдың Ханчжоу қаласында өтетін Asia Oceania Zonal Championships Азия чемпионатына қатыспақ.