Президент Қатар Әмірін футболдан әлем чемпионатын сәтті өткізуімен құттықтады

ашық дереккөз

Қазақстан Республикасының Президенті Қасым-Жомарт Тоқаев Қатар Әмірі шейх Тәмим бен Хамад Әл Тәниді футболдан әлем чемпионатын сәтті өткізуімен құттықтады, деп хабарлады Elorda.info.

@TamimBinHamad, сізді #FIFAWorldCup додасын сәтті өткізулеріңізбен құттықтаймын. Бұл турнир әлемдік футбол тарихында биік рухтың, әділ ойын мен қатарлықтардың ерекше қонақжайлығының белгісі болып қалады -, деп жазды Мемлекет басшысы Twitter-дегі парақшасында.

Айта кетейік, кеше Қатарда өткен футболдан әлем кубогі мәресіне жетті. Ақтық матчта Аргентина құрамасы пенальти сериясында Франциядан басым түсіп, жеңіске жетті.

Әлеуметтік желілерді бөлісіңіз