Әлихан Смайылов Түркияның вице-президентімен келіссөз жүргізді

Фуат Октаймен кездесу барысында Әлихан Смайылов Түркия Қазақстанның сенімді экономикалық әрі инвестициялық әріптесі екенін атап өтті.

2021 жылдың қорытындысы бойынша екі ел арасындағы тауар айналымы 33%-ға артып, $4,1 млрд құрады.

Соңғы 15 жылда Түркия ел экономикасына $3,5 млрд инвестиция салды.

Отырыс аясында экономикалық ынтымақтастық бойынша жан-жақты келіссөздер жүргізілді. Қазақстан тарапынан индустрия және инфрақұрылымдық даму министрі, сауда және интеграция, ұлттық экономика, денсаулық сақтау вице-министрлері және басқалары қатысты. Түрік тарапынан индустрия және технология, сауда, көлік және инфрақұрылым, денсаулық сақтау вице-министрлері қатысты.

Соңында ҮАК отырысының қорытынды хаттамасына қол қойылып, бірлескен жоспар қабылданды. Ресми делегация мүшелері өзара сауда-экономикалық ынтымақтастықтың өзекті мәселелерін талқылау үшін екіжақты кездесулер өткізді.