АҚШ Қазақстан Үкіметіне алғыс білдірді

АҚШ Қазақстан Үкіметіне 12 қаңтарда АҚШ консулдығының кейбір қызметкерін, АҚШ азаматтарын және басқа да шетел азаматтарын Алматыдан уақытша эвакуациялауды қолдағаны үшін алғыс білдіреді. Қазақстан әрқашан Америка құрама штаттарының сенімді досы болған. Біз қазақстандықтардың табандылығына және осы дағдарыстан шығатынына сенеміз, - делінген АҚШ елшілігінің хабарламасында.

Сондай-ақ АҚШ Қазақстанның конституциялық институттарын да толық қолдайды. Бұл туралы АҚШ-тың Мемлекеттік хатшысы Энтони Блинкен 6 қаңтарда Қазақстанның Сыртқы істер министрі Мұхтар Тілеубердіге айтқан болатын.

Қызметкерлеріміз жағдай жақсарғанда Алматыға оралады деп үміттенеміз, - деді елшіліктегілер.