Президенттің төрағалығымен Жоғары Еуразиялық экономикалық кеңестің отырысы өтеді

ашық дереккөз

Бейнебайланыс форматында өтетін іс-шараға ЖЕЭК Құрметті төрағасы, Елбасы Нұрсұлтан Назарбаев, кеңеске мүше мемлекеттердің және бақылаушы елдер – Куба, Өзбекстанның басшылары қатысады деп жоспарланған.

Мемлекеттер басшылары Еуразиялық экономикалық одақ қызметіне қатысты өзекті мәселелерді, 2021 жылғы ынтымақтастықтың нәтижелерін, сондай-ақ алдағы уақытта Ұйымға мүше мемлекеттердің өзара экономикалық іс-қимылдарды дамыту жоспарын талқылайды. Қазақстанның ұйымға төрағалығы осы жиынмен аяқталады.

Іс-шара Нұр-Сұлтан қаласының уақытымен сағат 15.00-де "Хабар-24" телеарнасынан тікелей эфирде көрсетіледі.