Ішкі істер министрлігі қару жасырылған 12 қойманы анықтады

Ішкі істер министрлігі қару-жарақ пен оқ-дәрілерді заңсыз айналымнан тәркілеу бойынша жұмысты жүйелі негізде жүргізеді. Бұл жұмыс жедел-профилактикалық іс-шаралардың аясында да жалғасады, деп хабарлады Elordainfo.kz.  

Биыл 1 қыркүйектен бастап елімізде республикалық «Учаске» жедел алдын алу іс-шарасы өткізілуде.

Оның шеберінде:

- заңсыз айналымнан 50-ге жуық қару, сонымен қатар 500-ден астам оқ-дәрі және 6 жарылғыш зат алынды;

- қару жасырылған 12 қойма анықталды;

- Қаңтар оқиғасы кезінде ұрланған 6 дана қару және полицияның арнайы жабдықтары тәркіленді: оның біреуі Калашников автоматы, бір тапанша, екі ойық мылтық және екі тегіс ұңғылы қару, сонымен қатар қызметтік бронежилеттер мен каскалар бар;

- азаматтар тарапынан 15 қару өз еркімен тапсырылды.

«21 мыңнан астам азаматтық қару тексеріліп, онда 400-ден астам адам әкімшілік жауапкершілікке тартылды.

5 қыркүйекте Алматы облысында жергілікті тұрғындар ұсталды, олардан Қаңтар оқиғасы кезінде Алматы қаласында ұрланған арнайы мылтық тәркіленді.

Бұл бағыттағы жұмыс жалғасуда», - деді ІІМ криминалдық полиция департаменті басқарма бастығының орынбасары Жандос Батырбеков.