Павлодарда боран салдарынан болған жол апатынан екі адам қаза тапты

23 наурызда сағат 22.50-де Омбы-Майқапшағай автожолында Новоямышево ауылының маңында Toyota Camry автокөлігінің жүргізушісі нашар көріну жағдайында жолды белгіленбеген жерден кесіп өткен 25 жастағы жаяу жүргіншіні қағып кетті. Жол апаты салдарынан жаяу жүргінші оқиға орнында көз жұмды, – делінген хабарламада.

Адам өмірін қиған тағы бір оқиға сол күні сағат 18.30-да Павлодар-Ленинский автожолында болды. Мұнда Lada Priora автокөлігінің 38 жастағы жүргізушісі боранның салдарынан рульді басқара алмай, соқтығысқан. Жол-көлік оқиғасы салдарынан жүргізуші алған жарақаттарынан оқиға орнында көз жұмды. Сараптама тағайындалды.

Барлық фактілер бойынша тексерулер жүргізіледі.