Қайрат Кемалов халықаралық кинофестивальде үздік актер атанды

Қайрат Кемалов халықаралық кинофестивальде үздік актер атанды, деп хабарлады Elorda.info.

Фильм Қазақстанның еңбек сіңірген қайраткері, жазушы, кинодраматург С.Елубайдың «Ақ боз үй» романының желісі бойынша түсірілген.

Кинокартина өткен ғасырдың 30-жылдарында қазақ ауылының тұрғындарының басына түскен сынақтар туралы өмірде болған оқиғаны баяндайды. Режиссер Б.Елубайдың фильмі бір отбасының тарихына тоқталған. Фильмде Қ.Кемалов би Пахраддиннің рөлін сомдады.

Туынды жергілікті көрерменнің оң пікірін алып, олар отандық кино актерлерінің өнерін жоғары бағалады.

Еске сала кетейік, бұған дейін Түркияның Бурса қаласында өткен «KORKUT ATA» түркі әлемі фильм фестивалінде де актер Қ.Кемалов Пахраддин образы үшін «Үздік ер адам бейнесі» аталымы бойынша үздік деп танылған болатын.