«Жұмысшы мамандарға үй мен автокөлік берілсін» – Нартай Сәрсенғалиев

Депутат Нартай Сәрсенғалиев Мемлекет басышысының Жолдауына қатысты бірнеше ұсыныс айтты. 

Депутат ұсынған талап-тілектердің арасында жұмысшы мамандықтарға үй мен көлік берілсін деген ұсыныс бар.

«Жұмысшы мамандықтар жылы» деп жарияланған 2025 жылдың күнтізбесі бел ортадан ауды. Айтқанмен атқарғанды безбенге салар кез келді.

 Мемлекет басшысы биылғы халыққа жолдауында: «Мемлекет адамдарды өндіріске баруға ынталандыратын жағдай жасау керек. Басты бағыт – жұмысшы мамандардың абыройын көтеру, оларды жақсы еңбекақымен қамтамассыз ету» деді. Яки, Жұмысшы мамандықтар жылының ресми күнтізбесі биыл аяқталғанмен оларды қолдау, әлеуметтік тұрғыда қорғау жыл жылжыған сайын жоғарылай беретін меже болады. Сол үшін нақты ұсыныстарды енгіземін.

 Бірінші мәселе тұрғын үй.
 Екінші мәселе автокөлік.
 Үшінші мәселе жұмыспен қамту.
 Төртінші мәселе кәсіптік бағдар.
 Бесінші мәселе білім беру.
 Алтыншы мәселе мобильді оқыту орталықтары, - деп жазды депутат желідегі парақшасында.