Қазақстанның пара-каратэ командасы Азия чемпионатында жалпы есепте топ жарды

Фото: Туризм және спорт министрлігі

Бүгін Индонезияның Бали қаласында WKF нұсқасы бойынша пара-каратэден V Азия чемпионаты өтті. Биылғы жарысқа 7 мемлекеттен үздік спортшылар қатысып, құрлық мықтыларын анықтады, деп хабарлайды Elordainfo.kz Туризм жəне спорт министрлігінің баспасөз қызметіне сілтеме жасап.

Қазақстан командасы жоғары даярлық үлгісін көрсетіп, жалпыкомандалық есепте 1-орын иеленді. Спортшылар бірнеше алтын және қола медаль жеңіп алып, ел намысын абыроймен қорғады.

Жеңімпаздар мен жүлдегерлер:
Ләззат Жүсіпова – алтын медаль
Назгүл Ізмағамбетова – алтын медаль
Нұржайна Жаннетова – алтын медаль
Рустам Билялов – қола жүлдегер
Азиза Ибраимова – қола жүлдегер
Ерлан Нұрмағамбетов – қола жүлдегер