Елордада алты қабатты жатақханада өрт шықты

фото: ТЖМ

Бүгін таңертең Сарыарқа ауданы Бұланты көшесі бойындағы жатақхананың мансард үлгідегі алтыншы қабатында өрт шықты, деп хабарлады Elordainfo.kz.

ТЖМ мәліметінше, алғашқы құтқарушылар отряды келген кезде алтыншы қабат толығымен отқа оранған. Газ-түтіннен қорғау қызметі дереу құрылып, барлау жұмыстары басталды.

«ТЖМ күштерімен суды үздіксіз жеткізу қамтамасыз етілді. Құтқарушылардың жедел және үйлесімді іс-қимылдарының арқасында 50 адам, оның ішінде 7 бала эвакуацияланды. 490 адам өздері қауіпсіз жерге шықты. Өрт 1600 шаршы метр алаңда толығымен сөндірілді»,- делінген хабарламада.

Өрт орнында өрт зерттеу сынақ зертханасының және ТЖД анықтау бөлімінің қызметкерлері жұмыс істеп жатыр.

Зардап шеккендер жоқ. Өрттің себебі анықталып жатыр.