Елордалық оқушылар есте сақтау қабілеті бар ақылды розеткалар жасап шығарды

Сәкен Сейфуллин атындағы №80 мектеп-гимназиясының  оқушылары Ақбота Мелис мен Омар Джусупбек ерекше жоба жасап шығарды, деп хабарлады  Elordainfo.kz Астана қаласының сайтына сілтеме жасап.

SMART SOCKET деп аталатын бұл құрылғы елімізде алғаш рет жасалды және телеграмм бот арқылы кез келген қашықтықтан басқаруға мүмкіндік береді. Ең бастысы, бұл розетканың есте сақтау қабілеті бар және ол Bluetooth пен Wi-Fi арқылы толыққанды жұмыс істейді.

Құрылғының  ерекшеліктері:
- Есте сақтау қабілеті: Құрылғы қосылып тұрған құрылғыларды және соңғы параметрлерін есінде сақтайды, бұл оны қолдануды қауіпсіз әрі ыңғайлы етеді.
- Қосымша мүмкіндіктер: Телеграмм бот арқылы кез келген қашықтықтан басқару.
- Желілік қосылу: Bluetooth арқылы жақын қашықтықта жұмыс істесе, Wi-Fi арқылы қосылуға болады.
- Энергия тиімділігі: Қуат тұтынуды нақты уақытта бақылап, қажеттіліктерге қарай баптауға мүмкіндік береді.
- Қауіпсіздік:Төтенше жағдайларды анықтап, қауіптерді алдын ала ескерту.
- 3D технологиялар: Құрылғының прототипі 3D принтерден жасалып, барлық сынақтардан сәтті өтті.

«Біз жобаны әзірлеу кезінде үлкен тәжірибе жинадық, адамдардың өмірін жеңілдетуді мақсат тұттық», - деді жоба авторлары Ақбота мен Омар.