«Сөз шебері» байқауының жеңімпаздары марапатталды

Фото: Махамбет Өтемісұлы атындағы Оқушылар сарайы Әлеуметтік-әдіскерлік бөлімі

Махамбет Өтемісұлы атындағы Оқушылар сарайында Астана қаласы Білім басқармасының ұйымдастыруымен «Сөз шебері» қалалық шығармашылық жүргізушілер сайысының финалы өтті, деп хабарлады Elordainfo.kz.

Байқаудың мақсаты – балалар мен жасөспірімдердің зияткерлік және шығармашылық қабілетін дамыту, сөз өнері жанрын танымал ету, мерекелік іс-шараларды жүргізетін дарынды балаларды анықтау.

Сайыста қазылар алқасы құрамындағы танымал тұлғалар, белгілі журналистер байқауға қатысушыларға сәттілік тілеп, жылы лебізін білдірді.

Байқаудың іріктеу кезеңіне қаладағы 30-дан астам білім беру ұйымы қатысуға өтініш берді. Олардың ішінде 18 қатысушы екінші турдың финалистері атанды.

Олар қазақ әдебиетіндегі поэзиялық шығармалардан үзінді оқып, өздері шығарған өлең-арнауларын айтып, бақ сынап, өзара сынға түсті.

Қазылар алқасы байқауға қатысушылардың шығармаларды оқығанда көрермендерге жеткізуіне, дауыс мәнеріне, сахнада өзін-өзі ұстау шеберлігіне мән берді.

I орынды иеленгендер:

Шейх Тәмим бен Хамад әл-Тәни атындағы №85 мектеп-лицейінің оқушысы – Әмірәлі Алькенев;

№111 жалпы орта мектебінің оқушысы – Назерке Айтпайқызы;

II орынды иеленгендер:

№97 мектеп-лицейінің оқушысы – Қасым Риянбек

Мұхтар Әуезов атындағы №86 мектеп-гимназиясының оқушысы – Хадиша Серікбай;

Ахмет Байтұрсынұлы атындағы №48 мектеп-лицейінің оқушысы – Абай Аралбек;

Әлкей Марғұлан атындағы №40 мектеп-лицейінің оқушысы – Сымбат Қарсақбай;

III орынды иеленгендер:

№34 орта мектебінің оқушысы – Ернұр Төлеген;

№15 мектеп-лицейінің оқушысы – Ханшайым Закарьянова;

№30 мектеп-гимназиясының оқушысы – Жұманияз Кенжебай;

Білім, бизнес және менеджмент колледжінің оқушысы – Асылзат Мыңбай;

№29 орта мектебінің оқушысы – Ерсұлтан Жумабаев;

Шәкәрім атындағы №56 мектеп-лицейінің оқушысы – Жұлдыз Жамалбек.

«Креативті жүргізуші» номинациясына Жоғары көлік және коммуникация колледжінің оқушысы Аңсар Бейсенбек пен №24 орта мектебінің оқушысы Анель Амзехан ие болды.

«Көрермен көзайымы» номинациясымен Өзбекәлі Жәнібеков атындағы №11 мектеп-лицейінің оқушысы Мәди Бакатов пен Қаныш Сәтбаев атындағы №61 орта мектебінің оқушысы Альбина Ержанқызы марапатталды.

«Шығармашыл жүргізуші» номинациясын Шейх Халифа бен Заид әл-Нахаян атындағы №84 мектеп-лицейінің оқушысы Ескендір Болат пен №108 орта мектебінің оқушысы Жансая Алтынбек жеңіп алды.

Жеңімпаздарға арнайы дипломдар мен бағалы сыйлықтар табысталды.

Гүлшат САПАРҚЫЗЫ