Ұлттық ұланның әскери қызметшілері «30» санын бейнелеп сап түзеді

Конституцияның 30 жылдығына орай Ұлттық ұланның Құрмет қарауылы ротасы салтанатты акция ұйымдастырды, деп хабарлады Elordainfo.kz.

Ұландықтар Ата заңға және оның мемлекет болашағындағы маңызын айшықтау мақсатында «30» санын бейнелеп сап түзеді.

«Әрбір әскери қызметші үшін Конституцияға адалдық – парыз ғана емес, үлкен абырой. Ұландықтар мерейтой құрметіне осындай көрініс ұйымдастырып, құқықтық тәртіпті, азаматтардың конституциялық құқықтарын және ел қауіпсіздігін қорғауға әрдайым дайын екенін көрсетті», - деді Ұлттық ұланның ресми өкілі Әлібек Әбділов.

Бұл бастаманы құқықтық тәртіп әскерінің өзге әскери бөлімдері де қолдады. Мәселен, «Батыс» өңірлік қолбасшылығының 5546 әскери бөлімінің жауынгерлері де осындай акцияға қатысып, Ата заңға құрметін білдірді.