Әлем кубогы: Нұрбек Оралбай келесі айналымға өтті

Әлем кубогы: Нұрбек Оралбай келесі айналымға өтті
Фото: instagram.com/qaz_team_official

Астанада өтіп жатқан Әлем кубогының екінші жарыс күнінде Нұрбек Оралбай рингке көтерілді, деп хабарлайды Elordainfo.kz.

Париж Олимпиадасының күміс жүлдегері, әлем чемпионы, 80 келідегі Нұрбек Оралбай 1/8 финалда өзіне жақсы таныс Мурад Аллахвердиевпен кездесті.

Қос боксшы бұған дейін 3 мәрте жұдырықтасып, барлығында жерлесіміз басым түскен еді. Осы жолы да Нұрбек білгенінен жаңылмай, барлық раундта қарсыласынан айласын асырып кетті. Қорытынды есеп: 5:0.
Жерлесіміз енді 3 шілде күні ширек финалда өнер көрсетеді.