Елордадан қыс басталғалы 8 млн текше метрге жуық қар шығарылды

Қыс мезгілі басталғалы астаналық коммуналдық қызметтер қала тұрғындарының жайлы жүріп-тұруы үшін қар күреу жұмысын тоқтаусыз жүргізіп келеді, деп хабарлады Elordainfo.kz.

17 наурыз күні таңертең Астанада қар күреуге 2 400-ден астам жол жұмысшысы мен 1 714 арнайы техника жұмылдырылды.

17 наурызға қараған түні коммуналдық қызметтер 48 084 текше метр қарды қаладан 3 413 рейспен алып шықты.

Қыс мезгілі басталғалы қаладан полигондарға 625 908 ауыр жүк рейсімен 7,9 млн текше метрден астам қар шығарылды.

Айта кетейік, қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, онда бейнебақылау камералары орнатылып, жарықтандыру қосылған.