Елордада «FunnyStep» би баттлы өтеді

20 шілде мен 25 тамыз аралығында елордалық Дене шынықтыру және спорт басқармасының бастамасымен спорттық және ойын-сауық іс-шараларының марафоны басталды, деп хабарлады Elorda.info қалалық әкімдіктің ресми сайтына сілтеме жасап.

28 шілдеде елорда тұрғындары мен қонақтары үшін Триатлон саябағында «FunnyStep» сайысы өтеді. Іс-шара әртүрлі стильдегі дарынды бишілерді біріктіреді және әр қатысушыға өзінің ерекше шеберлігін көрсетуге мүмкіндік береді.

Қойылымдарды әлемге әйгілі Николай Черников aka Killa Kolya, көптеген би батлдарының жеңімпазы Асхат Төлегенов, сондай-ақ Голландиядан келген халықаралық төреші Precious сынды төрешілер бағалайды.

Қатысушыларды тіркеу 28 шілде күні сағат 14.00-ден 15.00-ге дейін қолжетімді болады. Би батлдары сағат 15.00-де басталып, 17.00-ге дейін жалғасады.

Сайыстарға қатысу тегін. Жартылай финалдар мен финалдар ұлттық оркестрдің жанды музыкасымен сүйемелденеді.

Жеңімпаздар үшін ақшалай сыйлықтар қарастырылған:

- Аll STYLES AMATEUR 1x1 номинациясы бойынша финалист - 20 000 теңге,

- ALL STYLES AMATEUR 1x1 номинациясы бойынша жеңімпаз - 30 000 теңге,

- Аll STYLES open 1x1 номинациясы бойынша финалист - 50 000 теңге,

- ALL STYLES open 1x1 номинациясы бойынша жеңімпаз - 100 000 теңге.