Елордада дінтану мұғалімдеріне арналған семинар өтті

Астана қаласы Дін істері басқармасының қолдауымен Діндерді зерттеу орталығы дінтану мұғалімдерінің біліктілігін арттыру бойынша семинар ұйымдастырды, деп хабарлады Elorda.info.

Іс-шара елордалық №59 мектеп-лицейінде Дін саласындағы мемлекеттік саясатты іске асыру жөніндегі кешенді жоспарды орындау шеңберінде өткізілді.

Жиын барысында директорларға, директорлардың тәрбие жұмысы жөніндегі орынбасарларына, әлеуметтік педагогтар мен мұғалімдерге оқушылармен жұмыс істеудегі негізгі проблемалық мәселелер және олармен осы бағытта қалай жұмыс істеу керектігі айтылды.

Қатысушылар үшін елордалық Дін істері басқармасының басшысы Қ.Көшқалиев, Мәдениет және ақпарат министрлігі Дін істері комитетінің басқарма басшысы Қ.Халым, Өнер академиясының академигі, тарих ғылымдарының докторы, профессор М.Абсеметов, Л.Гумилев атындағы ЕҰУ «Дінтану» кафедрасының меңгерушісі, философия ғылымдарының кандидаты К.Тышхан., психолог, дін мәселелері бойынша сарапшы Ж.Жанабергенова, ҰҚКД ТҚО өкілі А.Жұмағалиева, сондай-ақ Дін істері басқармасының бас маманы А.Романовалар өз ойларын ортаға салды. 

Қазақстан аумағындағы діннің тарихи шығуына, деструктивті діни ағымдардың белгілерін тану тәсілдеріне, қарсы насихаттау жұмысының өзектілігіне және интернет кеңістігіндегі қауіпсіздікке, сондай-ақ психология тұрғысынан өзекті проблемалық мәселелердің себептеріне ерекше назар аударылды.

Айта кету керек, бұл семинар елорда әкімдігімен жыл сайын ұйымдастырылады.