Елордада қар тазалауға 800-ге жуық арнайы техника шықты

Елорданың коммуналдық қызмет мамандары қала бойынша қар тазалауды күшейтілген режимде жүргізуді жалғастыруда. Түнгі ауысымда қар тазалауға 200-ге жуық жол жұмысшысы шықты, деп хабарлайды Elorda.info елорда әкімдігінің ресми сайтына сілтеме жасап.

2 наурыздан 3 наурызға қараған түні Астанада 200-ге жуық жұмысшы мен 800-ге жуық арнайы техника жұмылдырылды.

2 наурыз күні қаладан 2,8 мың ауыр жүк рейс, 35 мың текше метрден астам қар шығарылды.
Қыс басынан бері полигондарға 417 мың жүк көлігі 5,65 млн текше метрден астам қар шығарылды.

Естеріңізге сала кетейік, Астанада бірнеше қар полигоны жұмыс істейді. Олардың барлығы самосвал техникасының нөмірлік белгілерін оқу жүйесімен, бейнебақылаумен және жарықтандырумен жабдықталған.