Биыл елордада бір миллионнан астам жасыл желек отырғызылады

Бұл туралы Астана қаласы мәслихатының төрағасы Табиғат Зейнұлқабден мәлімдеді, деп хабарлады Elordainfo.kz.

«Елордамыз жасыл желекке бөленеді.

Биыл Астанада 1 миллионнан астам жасыл желек – ағаштар, бұталар, көпжылдық және біржылдық гүлдер отырғызылады.

Бүгін «Астана Генплан» ЖШС базасында қоғамдық кеңістіктерді абаттандыру мен көгалдандыруға бөлінетін бюджет қаражатын тиімді пайдалану мәселелері талқыланды», - деп жазды Табиғат Зейнұлқабден.

Жоспарға сәйкес:

- 38 қоғамдық және 152 аула аумағын көгалдандыру,

- ағаштардың электрондық төлқұжаттарын енгізу,

- жасыл желекті цифрландыру мен мониторинг жүргізу,

- ЛРТ желілерінің астындағы аумақтар да қамтылатын жаңа қоғамдық кеңістіктерді құру көзделуде.