Астанада жас футболшылар «Таза Қазақстан» акциясы аясында ағаш отырғызуға қатысты

Бүгін, 18:53
Қанат Байұзақов Қанат Байұзақов
views64
Астанада жас футболшылар «Таза Қазақстан» акциясы аясында ағаш отырғызуға қатысты
Фото: Қанат Байұзақов

Астана қаласының №8 балалар мен жасөспірімдердің мамандандырылған олимпиадалық резерв спорт мектебінің тәрбиеленушілері мен ата-аналар, бапкерлер құрамы республикалық акцияға өз үлестерін қосты, деп хабарлады Elordainfo.kz.

Барша қатысушылар мектеп аумағында 30-дан астам қарағай көшеттерін отырғызды.

Акцияның мақсаты – елордадағы экологиялық жағдайды жақсартып, көгалдандыруға атсалысу.

«Мектебіміз тек балаларды салауатты өмір салтына ғана баулып қана қоймай, олардың бойына жақсы әдетті де сіңдіруге тырысады. Мысалы, бүгін оқушылар өздерінің жаттығатын жерлерінде үлкендермен бірлесіп, 30-дан астам қарағай көшеттерін отырғызды. Осы орайда бұл біздің бірінші акция емес екенімізді айта кетейік. Бұған дейін де мектеп ауласында гүлдер егілген еді. Бұл айналамыздың тазалығы мен көрікті болуына үлес қосады», - деді Астана қаласының №8 балалар мен жасөспірімдердің мамандандырылған олимпиадалық резерв спорт мектебінің аға бапкері Сергей Червоный.

Айта кетейік, «Таза Қазақстан» республикалық экологиялық акциясы 2024 жылдың 8 сәуірінде басталған болатын.