Астанада конкурдан Қазақстан кубогы мәресіне жетті

Елордада 20-22 маусым аралығында өткен еліміздің ат спорты күнтізбесіндегі маңызды жарыстардың бірі – конкурдан Қазақстан Республикасының кубогы аяқталды, деп хабарлады Elordainfo.kz Ат спорты федерациясына сілтеме жасап.

Жарысқа Астана, Алматы, Шымкент қалалары мен Алматы облысының 30-дан астам спортшы қатысып 120-дан 145 см-ге дейінгі алты бағытта өз шеберліктерін көрсетті.

Үшкүндік жарыстың абсолютті жеңімпаздары:

B тобы:

1 орын – Бекжан Байжанұлы – Кинг Диаманд

2 орын – Нурила Турисбекова – Цендер де Реве

3 орын – Жасұлан Байтаев – Кэшмэйкер  және Малика Серік – Микадо

А тобы:

1 орын – Нурила Турисбекова – Кю Бель

2 орын – Ислам Исламов – Скарто II

Жыл сайын ұйымдастырылатын бұл кезең –  спортшылардың шеберлік деңгейін арттырып, мықтыларды анықтауға ықпал етеді. Сонымен қатар, ұлттық құрамаға іріктеу кезеңдерінің маңызды бөлігі болып саналады.

Қазақстан кубогының жүлде қоры – 2 миллион теңгені құрады. Жеңімпаздар мен жүлдегерлер кубоктар, дипломдар және ақшалай сыйлықтармен марапатталды.