Астанада Аналар кеңесінің 10 жылдығына арналған салтанатты іс-шара өтті

Бүгін Астана қаласының Достық үйінде Қазақстан халқы Ассамблеясы Аналар кеңесінің 10 жылдық мерейтойына арналған салтанатты іс-шара өтті. Бұл туралы Elordainfo.kz Мәдениет және ақпарат министрлігінің баспасөз қызметіне сілтеме жасап хабарлады.

Іс-шараға ҚХА төрағасының орынбасары – ҚР ҚХА хатшылығының меңгерушісі Марат Әзілханов, Қазақстан Республикасы Парламентінің депутаттары, Мәдениет және ақпарат вице-министрі Айзада Құрманова, сондай-ақ мемлекеттік органдардың, қоғамдық бірлестіктердің өкілдері және ҚХА Аналар кеңесінің мүшелері қатысты.

Айзада Құрманова өзінің құттықтау сөзінде аналардың патриотизмді, ұлттық рухты қалыптастырудағы және отбасылық құндылықтарды сақтаудағы рөлінің маңызын атап өтті. Аналар кеңесі 10 жыл ішінде көптеген бастамаларды жүзеге асырып, этносаралық келісімді дамытуға және отбасылық дәстүрлерді нығайтуға елеулі үлес қосқанын да сөз етті.

Сондай-ақ, вице-министр республика бойынша 1700-ден астам Аналар кеңесі гендерлік теңдікті сақтау, әйелдердің құқықтарын қорғау, отбасы институтын дамыту, әрі нашақорлық пен зорлық-зомбылық сияқты әлеуметтік мәселелермен күресу сияқты мемлекеттік басымдықтар шеңберінде өз қызметін белсенді жүргізіп жатқанын атап өтті.

Кездесу қорытындысы бойынша Аналар кеңесінің белсенді мүшелері азаматтық қоғамды дамытуға және этносаралық бірлікті нығайтуға қосқан үлесі үшін марапатталды.