Астанада «Абайлаңыз – балалар!» жедел профилактикалық іс-шарасы өтеді

Астана қаласы Полиция департаменті Жергілікті полиция қызметі басқармасының бастығы Арман Айтмағамбетов елордада балалардың жол-көлік жарақаттануының алдын алу бойынша қабылданып жатқан шаралар туралы баяндады, деп хабарлады Elorda.info.

Полиция департаменті жолдардағы жол қозғалысы қауіпсіздігін қамтамасыз ету бойынша іс-шараларды жүзеге асырады. 

Жүргізушілердің көлік тәртібін арттыруға бағытталған жедел-профилактикалық іс-шаралар жүргізілуде.

Саптық бөлімшелердің күзет бекеттері мен маршруттарының орналасуына апаттылыққа қатысты талдауды ескере отырып, саптық түзетулер енгізіледі. Апаттың жай-күйіне әсер ететін жол қозғалысы ережелерін бұзуға ерекше назар аударылады, - деді Арман Айтмағамбетов. 

Жыл басынан бері жол-көлік оқиғасы талдауы балалардың жарақаттануымен болған оқиғалардың жартысынан көбі жүріс бөлігінің белгіленбеген жерлерде және бағдаршамның тыйым салу сигналына ауысуы кезінде орын алғанын анықтады.

Қыркүйекте бір ай бойы полиция қызметкерлері «Абайлаңыз – балалар!» жедел профилактикалық іс-шарасы өткізеді.   

Полицейлер ата-аналарға баламен бірге үйден мектепке және кері қайтатын қауіпсіз жолды зерттеуге кеңес береді. 

Әсіресе, жолдан дұрыс өтуіне, аулалардың жарықтандырылмаған жерлеріне ерекше назар аудару керек.

Ал енді жүргізушілерге жол қозғалысы ережелерін мүлтіксіз сақтау, мектептер мен балабақшалардың, қоғамдық көлік аялдамаларының және тұрғын үйлердің аулаларында, сондай-ақ реттелмейтін жаяу жүргіншілер өткелдерінен өту кезінде өте мұқият болу қажеттігі туралы ескертіледі.

Полиция полковнигі Арман Айтмағамбетовтың айтуынша, қаладағы апаттың жай-күйіне бірқатар факторлар әсер етеді. Қалада тіркелген көліктердің саны 76 мыңға артқан. Күн сайын 55 мыңға дейін автомобиль Астанаға жақын елді мекендерден келеді. 

Сонымен қатар, қала бойынша таяу шет елдерден 20 мыңға жуық автокөліктің қозғалысы тіркелді.

Жүргізушілер мен жаяу жүргіншілердің жеке тәртіпсіздігі жол қауіпсіздігіне де әсер етеді. Әрбір төртінші жол-көлік оқиғасы, яғни 415-тен 97 немесе 23,4% - жаяу жүргіншілердің кінәсінен болады.

Айта кетейік, жыл басынан бері полиция қызметкерлері елордада 100 мыңнан астам жол қозғалысы ережелерін бұзушылықты анықтады. Көлікті мас күйінде басқарғаны үшін 855 жүргізуші ұсталды, авариялық жағдай жасағаны үшін 1 500-ден астам әкімшілік хаттама жасалды.