Нұр-Сұлтанда автокөлік салонынан ұрлық жасаған күдікті ұсталды

Ұрланған заттарды ұсталған адам сатып үлгерген. Полицияға жеткізілген жас жігіт ұрлық жасағанын мойындады. «Тергеп-тексеру барысында күдіктінің түнгі уақытта Мұстафин көшесінің бойындағы үйдің ауласында тұрған «ВАЗ 2114» маркалы автомашинаның терезесін майыстыру арқылы машинаның салонына кіріп, жалпы бағасы 140 мың теңге тұратын «Пионер» маркалы магнитола мен сабвуферді жымқырғаны анықталды. Қаскүнем ұрланған заттарды өзінің «Ауди 80» маркалы автомашинасына орнатып үлгерген», - делінген хабарламада. Осы факті бойынша Қазақстан Республикасы ҚК-нің 188-бабы бойынша («Ұрлық») сотқа дейінгі тергеп-тексеру жүргізілуде. Заттай дәлелдемелер тәркіленіп иесіне қайтарылды. Күдікті өз кінәсін мойындады. Сондай-ақ оның бұрын елорда аумағында жасалған осыған ұқсас қылмыстарға қатыстылығы тексерілуде. Нұр-Сұлтан қаласының Полиция департаменті азаматтардан қырағылық танытуын, автомашинаның салонында қаскүнемдердің назарын аударатын бағалы заттарды қалдырмауын және автомашиналарды күзет дабылы жүйесімен жабдықтауларын сұрайды.