Жоғары білікті медицина мамандары қажет – Сәуле Қисықова

Нұр-Сұлтан қаласы Қоғамдық денсаулық сақтау басқармасының басшысы Сәуле Қисықова қала әкімдігінің Facebook парақшасы арқылы елорда тұрғындарына бейне үндеу жолдады, деп хабарлайды Елорда Инфо. "Коронавирус инфекциясын диагностикалап, оны емдеу үшін жоғары білікті медициналық мамандар қажет. Кадр дайындауға жылдар кетеді. Ал инфекциялық стационарларды төсек орындарды шексіз көбейте беруге болады. Бірақ ол кезде дәрігерлер мен медбикелер жетіспейтін болады. Сондықтан құрметті қала тұрғындары! Барлығыңызды әзірге кеш болмай тұрғанда өздеріңіз бен қоршаған орталарыңыздың денсаулықтарыңызға деген көзқарасты өзгертуге шақырамын", – деді басқарма басшысы.