Алтай Көлгінов бірқатар мектептердің құрылыс барысымен танысты

[caption id="attachment_29753" align="alignnone" width="877"] Фото: Алтай Көлгінов/instagram.com[/caption] Бүгін қала әкімі Алтай Көлгінов мектептердің құрылысы қалай жүріп жатқанын тексерді, деп хабарлайды Елорда Инфо.   Қала тұрғындары санының өсуіне байланысты әлеуметтік нысандарға түсетін салмақ артып келеді. Білім нысандары әсіресе халық көп шоғырланған елді-мекендерде салынып жатыр. [caption id="attachment_29754" align="alignnone" width="877"]  [/caption] «Бүгін бірқатар оқу нысандарының құрылыс барысымен таныстым. Қазіргі №60 мектеп-лицей аумағында (Кубрин 21/1 көшесі) тағы бір мектеп салып жатырмыз. Мектеп аумағын кеңейтеміз. Бұл мектепке артылған шамадан тыс жүктемені азайтып, жаңа оқу орындарын құруға мүмкіндік береді. Биыл осы мектепті пайдалануға береміз. Абаттандыру жұмыстарына назар аудару қажет. Осы жылы былтырғы жылмен салыстырғанда екі есе көп мектеп саламыз. Биыл салынатын мектеп саны – 12», деп жазды Алтай Көлгінов  instagram парақшасында. Келесі жылдарға да дайындық жүріп жатыр. Ұлы Дала мен №39 көше қиылысында орналасқан білім ордасы 1200 оқушыға есептелген (екі ауысымда - 2400). 2021 жылы пайдалануға беріледі. Мектеп құрылысына жеке инвестордың қаражаты жұмсалады.