«СК-Фармация» ЖШС: Стационарларға дәрілердің 90 түрі жеткізілуде

«СК-Фармация» ЖШС Басқарма төрағасы Ерхат Есқалиев онлайн брифингте стационарларға 100 мың науқасты емдеуге жеткілікті дәрілердің сатып алынғанын айтты, деп хабарлайды Елорда Инфо. «Ауруханаларға, провизорлық стационарларға дәрілердің 90 түрі жеткізілуде. Қазіргі уақытқа бізге қосымша өтінімдер келіп жатыр. Келесі партияны біз жеделдетіп, тамыздың 10 немесе 15-іне дейін жеткізетін боламыз. Бұл стационарлардағы жағдайды реттеуге мүмкіндік береді. Ал 2 айлық қор туралы айтатын болсақ, 8,7 млрд теңгеге 100 мың науқасты емдеуге жететін көлемдегі дәрілер сатып алынды. Бұл да қазіргі уақытта медициналық ұйымдарда орын алып жатқан олқылықтардың орнын толтыруға мүмкіндік береді», – деді ол.