Нұр-Сұлтанда жыл басынан бері 93 егіз және 3 үшем дүниеге келді

Алты айда қалада 14 012 бала дүниеге келді, деп хабарлайды Елорда Инфо қала әкімдігінің ресми сайтына сілтеме жасап. «Алты ай ішінде Нұр-Сұлтан қаласы бойынша барлығы 14 012 бала дүниеге келді», деді қалалық қоғамдық денсаулық сақтау басқармасы басшысының ана мен бала денсаулығын қорғау жөніндегі орынбасары міндетін атқарушы Татьяна Бишораева. Қызық дерек: бала туу көрсеткішінің төмендігіне қарамастан, аталған кезеңде елордада егіздер мен үшемдер көп дүниеге келген. Жыл басынан бері Нұр-Сұлтан перзентханаларында 93 егіз (өткен жылы аталған уақыт бойынша – 77) және 3 үшем (2019 жылы 1) дүниеге келді. Күн сайын елордада 60-тан 110-ға дейін бала дүниеге келеді.