Мағзұм Мырзағалиев қазақстандықтарды суды үнемдеуге шақырды

15 тамыз, 2024
Елорда ақпарат Елорда ақпарат
Мағзұм Мырзағалиев қазақстандықтарды суды үнемдеуге шақырды
ашық дереккөз

Экология, геология және табиғи ресурстар министрі Мағзұм Мырзағалиев Су шаруашылығы қызметкерлері күні қазақстандықтарды суды үнемдеуге шақырды, деп хабарлайды Елорда Инфо. Қазақстан Экология, геология және табиғи ресурстар министрі Мағзұм Мырзағалиев су шаруашылығы қызметкерлерін кәсіби мерекелерімен құттықтады. «Су шаруашылығы қызметкерлерін кәсіби мерекелерімен құттықтаймын! Бұл салада өзінің білімі мен тәжірибесін, кәсібіне деген құрметті ұрпақтан ұрпаққа жеткізіп келе жатқан отбасылық еңбек әулеті көптеп табылады. Сала ардагерлері мен мамандарға адал еңбектері үшін ризашылық білдіргім келеді», - деп жазды М.Мырзағалиев өзінің Twitter-дегі парақшасында. «Мемлекет су шаруашылығын дамытуға баса назар аударады. Президенттің тапсырмасы бойынша мемлекеттік бағдарлама әзірленіп, маңызды міндеттер іске асырылуда. Барша сала қызметкерлеріне зор денсаулық, шаңырақтарына береке, жұмыстарына табыс тілеймін! Қазақстандықтарды суды үнемдеуге шақырамын!», - деді министр.