Елорда коллекторларының үштен бірі тазалауды қажет етеді

Жаңбырлы күндері көшелерді су басу проблемасын жою үшін әкімдік нөсер кәрізін салу және коллекторларды тазарту бойынша жүйелі жұмыстар жүргізуде. Қаладағы коллекторлардың жалпы ұзындығы 354 км-ді құрайды, ал олардың үштен бірі (134 км) тазалауды қажет етеді, деп хабарлайды Елорда Инфо.

Толып қалған жүйе нөсерлі кәріздердің жұмысына әсер етіп, жауынды күндері өз қызметін уақытылы орындай алмайды.

Бұл қиындықты жою үшін алдымен алдыңғы қатарлы коллекторларды тазалау жүргізіліп жатыр. Мысалы, Тәшенов көшесі мен Абылай хан/Таха Хусейн даңғылындағы коллектор толығымен бітеліп қалған, тазалау кезінде 2,5 мың тоннадан астам қоқыс шығарылды. Сонымен қатар, өткізу қуатын арттыру үшін қосымша дөңгелек орнатылды.

Б.Момышұлы даңғылының проблемалық учаскесінде су басу проблемасы осы жылдың күзінде шешілетін болады. Бұл жерде нөсер кәрізінің магистралды коллекторының құрылысы жүргізілуде. Нөсер кәрізінің ұзындығы 500 метрді құрайды. Оның басы Дауылпаз көшесінен басталып, Елім-ай көшесіне дейін (Б.Момышұлы даңғылы арқылы өтеді) созылады.

Сондай-ақ, Жастар шағын ауданында (Тәшенов және Амман көшелерінің қиылысында) тазарту имараттарының құрылысы жүргізілуде. "Жастар" шағын ауданындағы жаңа құрылыстың қуаты тәулігіне 42 мың текше метрден асады. Бұл тазарту құрылысы Тәшенов, Бараев, Уәлиханов, Иманбаев көшелерінде және Республика даңғылында су басу проблемасын шешеді. Тазалау құрылысы жер астында орналасқандықтан, оның үстінде абаттандыру, шағын архитектуралық мүсіндер орнату және көгалдандыру арқылы сквер салу көзделген. Құрылысты 2021 жылға қарай аяқтау жоспарланып отыр.

Айта кетейік, 2019 жылы Мыңжылдық аллеясы ауданында екі учаске бойынша нөсерлі кәріз мәселесі шешілген болатын.