Асқар Мамин мемлекеттік қызметкерлерді кәсіби мерекесімен құттықтады

ҚР Премьер-Министрі Асқар Мамин қазақстандық мемлекеттік қызметкерлерді кәсіби мерекесімен құттықтады. Бұл туралы Елорда Инфо Үкімет басшысының баспасөз қызметне сілтеме жасап хабарлайды. «Құрметті Қазақстанның мемлекеттік қызметкерлері, сіздерді кәсіби мерекелеріңізбен құттықтаймын! Мемлекеттік органдардың өз функцияларын сапалы орындауы, халыққа тиімді қызмет көрсету, құқық үстемдігін қамтамасыз ету, мемлекеттік даму бағдарламаларын жүзеге асыру және жалпы, еліміздің экономикалық дамуы, Қазақстан халқының тұрмыс сапасы мен әл-ауқатының артуы сіздердің кәсіби еңбектеріңіз бен күш-жігерлеріңізге тікелей байланысты. Баршаңызға зор денсаулық, отбасыларыңызға амандық, еңбекте абырой тілеймін!», делінген құттықтау хатта.