Масканы иегіне ғана тағып алу дұрыс емес – Есмағамбетова

Қазақстанның бас санитарлық дәрігері Айжан Есмағамбетова жұртшылықтың масканы иегіне тағып алатынына ескерту жасады, деп хабарлайды Елорда Инфо тілшісі. «Біз жұртшылықтың масканы дұрыс тақпай жүргенін жиі байқап жүрміз. Көбіне иегіне тағып алып жүргені байқалады. Құрметті, қазақстандықтар масканы иекке ғана тағу сізді вирустан құтқара алмайды. Маска адамның беті мен мұрнын жауып тұруы тиіс. Ары қарай бетін қолымен ұстамауы керек. Біздің қалыпты өміріміздегі қарапайым ережелердің бірі – қол гигиенасы, яғни жиі жуып жүру, антисептиктерді қолдану. Жұртпен байланысудан сақ болған жөн. Бұл қоғамда инфекцияның таралуына тоқтау болып, қалыпты өмірімізге оралуымызға әсер етеді», - деді бас дәрігер.