Өткен тәулікте елордалық жедел жәрдемнің call-орталығына 3 800 қоңырау түсті

Нұр-Сұлтан қалалық Қоғамдық денсаулық сақтау басқармасының басшысы Сәуле Қисықова тұрғындарға кеңес беру үшін астананың жедел жәрдем базасында call-орталық ашылғанын мәлім етті, деп хабарлайды Елорда Инфо тілшісі. «COVID-19 бойынша халыққа ақпарат жеткізу жұмысын жақсарту үшін, сондай-ақ аумақтық емханалардың провизорлық бөлімшелерімен жұмысты оңтайлау үшін жедел жәрдем станциясы базасында call-орталық ашылды. Күніне 400-500 өтініш түседі – бұл тек қана кеңестік қызметтер», - деді Қоғамдық денсаулық сақтау басқармасының басшысы Сәуле Қисықова. Басқарма басшысы call-орталықтың ашылу кезеңінде 3 мыңға жуық өтініш келіп түскенін атап өтті. «Қаладағы барлық өтініштер саны 3 есе, кейде 4 есе өсті. Өткен тәулікте 3 800 өтініш түсті. 2 728 шақырымға қызмет көрсетілді, қызмет 2,5 есеге артты», - деді Қисықова.