Елорда әуежайының ұшу-қону жолағы жазда жөндеуден өтеді

Елорданың халықаралық әуежайының ұшу-қону жолақтары жөнделеді. Бұл туралы әуежайдың баспасөз қызметі мәлім етті, деп хабарлады Elorda.info.

​​Әуежайдың ұшу-қону жолақтарын жөндеу жұмыстары 2023 жылғы 15 шілдеден 8 тамызға дейін жоспарланған. Бұл уақыт құрылыс кезеңінің неғұрлым қолайлы жағдайларына байланысты. Жөндеу жекелеген учаскелерде асфальтбетон жабынының жоғарғы қабатын ауыстыру жолымен жүргізілетін болады, сондай-ақ ұшуды қамтамасыз ету бойынша жарық сигнал беру жабдығын жөндеу жоспарлануда, - делінген хабарламада.

Өткен жылдардағы талдауға сәйкес, жауын-шашынның минималды түсуі және асфальтбетон зауыттарының үздіксіз жұмысы жөндеу жұмыстарын аталған кезеңге белгілеуге мүмкіндік береді.