Елордада 18 жасқа дейінгі мектеп оқушылары қоғамдық көлікте тегін жүреді

Бір айдан кейін жаңа оқу жылы басталады. Кассадағы кезектерді болдырмау үшін мектеп көлік картасын алдын ала жасатып алуды сұраймыз. Өздеріңіз білетіндей, елордада қала және Нұр-Сұлтан қаласы маңында тұратын 18 жасқа дейінгі оқушылар қоғамдық көлікте тегін жүреді. Ол үшін мектеп көлік картасы болуы керек және оны автобус салонында валидациядан өткізу қажет, - делінген CTS хабарламасында.

Атап өтілгендей, мектеп көлік картасын екі жолмен алуға болады:

- Р. Қошқарбаев даңғылы, 50/1 мекенжайындағы орталық кассадан;

- transcard.kz сайтs арқылы.

Картаны жасатуға қажетті құжаттар:

- ата-ананың бірінің жеке куәлігі;

- баланың ЖСН бар туу туралы куәлігі немесе жеке куәлік;

- мектептен анықтама;

- 3х4 форматтағы 1 фотосурет.

Көлік картасын жоғалтқан жағдайда оны қайта жасату үшін қажетті құжаттар: баланың туу туралы куәлігі, ата-анасының бірінің (заңды өкілінің) жеке куәлігінің түпнұсқасы немесе төлқұжаты, оқушының жасы 15-тен асқан болса мектеп анықтамасы қажет. 16 жасқа толған оқушылар өз бетімен өтініш жасай алады. Қалаған жағдайда фотосуретті өзгертуге болады.

Еске сала кетейік, мектеп көлік картасын алғашқы алу құны 800 тг. Қайта шығару – 1500 теңге.