Жеңіл өнеркәсіп: қандай қазақстандық тауарлар шетелде сұранысқа ие?

Министрліктің мәліметінше, биылғы қаңтар-мамыр айларында жеңіл өнеркәсіп өнімдері экспортының көлемі 28,4 млн долларды құраған. Бұл былтырғы сәйкес кезеңмен салыстырғанда 8,5%-ға жоғары. Сыртқы нарықта біздің мынадай өнімдеріміз жоғары сұранысқа ие:

• мақта-матадан жасалған төсек-орындары (4,1 млн доллар немесе 14,3%);
• жолақтардан, полиэтиленнен немесе полипропиленнен жасалған қалыптардағы өзге де қаптар мен буып-түю пакеттері (3,4 млн доллары немесе 12%);
• құрамында 85% және одан көп мақта бар мақта-мата иірімжібі (2,8 млн доллар немесе 10%);
• құрамында 85% немесе одан көп мақта бар мақта-мата (2,7 млн доллар немесе 9,5%);
• ылғал күйдегі ірі қара мал терісінен жасалған иленген былғары немесе былғары краст (2,4 млн доллар немесе 8,5%).